၁၀နှစ်သား အရွယ်တွင် ကိုထွန်းလှမှာ ကာလဝမ်းရောဂါဖြစ်၍ နစ်သွားသဖြင့် မိဘများက သေပြီဟု မှတ်ထင်မိကြရာ၊ နေ့တဝက်လုံးလုံး သတိမရ အသက်မရှုဘဲနေခဲ့ပြီးမှ ပြန်၍ လည် လာခဲ့၏။ ထိုအခါကလည်း ကိုထွန်းလှသည် နဂါးခံတွင်းဂူဝမှ ဝင်သွား၍ ဉယျာဉ်ထဲတွင် ယခင်မိန်းကလေး ခုနှစ်ယောက်တို့နှင့်ဒုတိယအကြိမ်တွေ့ခဲ့ပြန်၏။ ဤအကြိမ်တွင်မူကား ထိုင်ခုံအမျိုးမျိုး ခင်းထားသော နည်းအားဖြင့်မရွေးချယ်ရတော့ဘဲ လိမ္မော်ရောင်မိန်းကလေးသည် တစ်ခါတည်း ဆီးကြိုပြီးလျှင်၊ အခြားသော မိန်းကလေးများကလည်း ငြူစူခြင်းမရှိဘဲ ၎င်းတို့နှစ်ဦး ပျော်မြူးကြသည်ကို ကြည်ဖြူစွာ ဝတ်ပြုကြပေသည်။
